Diahuebs 19 di oktober a tuma lugar un exitoso Open House di Jamanota Toastmasters Club, Arikok Toastmasters Club, University of Aruba Toastmasters Club, Gilberto Francois (Betico) Croes Toastmasters Club y Sin Fronteras Toasmasters Club.
E cinco Clubnan di Toastmasters International di e seis Clubnan di Toastmasters International di Aruba a jama un cordial bonbini na e Toastmasternan internacional y di Aruba, e invitadonan special y e publico general. E programa oficial di e anochi educativo a cuminsa pa 7’or di anochi den e Aula di Universidad di Aruba. President di University of Aruba Toastmasters Club Giovanni Lew Jen Tai y Vice President of Education di University of Aruba Toastmasters Club Giandra de Cuba a fungi como e anfitrionnan durante e programa oficial pa e publico presente den e Aula di Universidad di Aruba. Toastmaster Raffy Kock di Gilberto Francois (Betico) Croes Toastmasters Club y Jamanota Toastmasters Club a duna un splicacion amplio di Table Topics y Toastmaster Raffy Kock a fungi na e mesun momento como Table Topics Master durante e programa oficial na unda e publico presente por a participa tambe durante e Table Topics session. Na final tur e participantenan a risibi un cinta di Table Topics Speaker como un bunita recuerdo.
Leo Ponson di University of Aruba Toastmasters Club y Jamanota Toastmasters Club a fungi como Time Keeper durante e Table Topics session. Despues a sigi e testimonionan di President di Jamanota Toastmasters Club Loufran Tromp, President
di Gilberto Francois (Betico) Croes Toastmasters Club Mireille Sint Jago y Toastmaster Michelle Brooks di Jamanota Toastmasters Club y Gilberto Francois (Betico) Croes Toastmasters Club cu a duna un splicacion cada uno na e publico presente na un forma ameno y spontaan di e beneficionan grandi for di dia cu nan tres a disidi pa bira miembronan activo di Toastmasters International! Na final di e programa den e Aula e invitadonan special y e publico general a cana bai pafor y asina a bishita e standnan di e cinco Clubnan di Toastmasters International pa asina hanja tur informacion necesario den caso cu nan kier bira miembronan activo di un of mas di e seis Clubnan di Toastmasters International di Aruba. Un anochi exitoso sigur sigur pa un y tur! Pa hanja mas informacion di University of Aruba Toastmasters Club por manda un e-mail na [email protected] y tur pregunta lo wordo debidamente contesta. At Toastmasters International Leaders are Made!
