Open Doors, e iniciativa cu ta permiti consumidornan conoce e cushina di McDonald’s, ta bek cu un edicion completamente renoba. E iniciativa ta reafirma e transparencia di e compania, brindando e oportunidad na e consumidornan pa conoce e proceso y calidad di e menu mas iconico na mundo. Discubri nos pasion pa calidad y hasi bo tour na bo restaurant faborito.
Den cuadro di Dia di Transparencia riba 28 di september, Arcos Dorados, e compania cu ta opera McDonald’s na mas di 20 pais den Latino America y Caribe, ta anuncia e lansamento di e tournan di ‘Open Doors’ den e cushinanan di nan restaurantnan. Durante e emergencia sanitario di e coronavirus, a suspende e bishitanan di e cushinanan di McDonald’s y temporalmente reemplasa cu un version virtual. E aña aki, e iniciativa ta bek cu un edicion renoba y actualisa pa aclara tur mito y duda di e hamburgernan mas iconico na mundo.
David Grinberg, Vice-Presidente di Comunicacion Corporativo di Arcos Dorados ta splica cu awendia consumidornan ta mas exigente encuanto e calidad di cuminda cu nan ta scoge pa consumi. “Open Doors ta un forma pa brinda e oportunidad na dicho consumidornan pa conoce nos mihor y experiencia e calidad di ingredientenan, procesonan di hygiena y standardnan di siguridad cu nos ta mantene den nos cushinanan. Nos tin nada di sconde” Grinberg ta splica, reafirmando cu Arcos Dorados ta e unico compania den e industria di fast food cu ta habri e portanan di nan cushina pa publico.
E prioridad di Arcos Dorados ta pa brinda tur cliente e mihor experiencia na nan restaurantnan, acceso directo na informacion tocante calidad di e proceso-, producto- y compromisonan. Segun e estudio “Trust Barometer 2022 de Latinoamérica”, un encuesta anual di confiansa y credibilidad, realisa pa e agencia di comunicacion Edelman, e calidad di e informacion ta e caracteristica mas importante pa genera confiansa na tur e restaurantnan. Den e mesun liña, e estudio ta sostene e tendencia actual unda consumidornan ‘no ta kere den algo te ora cu nan por prueba su confiabilidad’. Cu e contexto y referencia aki, Arcos Dorados a dicidi di renoba e iniciativa di Open Doors na tur localidad. Desde su lansamento na 2014, mas cu 15 miyon persona den Latino America y Caribe, a bishita e cushinanan di McDonald’s.
Kico ta di spera di Open Doors?
Participantenan di Open Doors por probecha di e bishita pa aclara tur duda, deriva mito y descubri mas tocante e ingredientenan di calidad y procesonan cu ta wordo manteni na dje pa por prepara e menu di McDonald’s. Na mesun momento, participantenan por observa e trabou diario di nos hobennan, unda mayoria ta experienciando nan prome empleo formal. Un bishita di Open Doors por wordo haci na tur localidad di McDonald’s Aruba y no tin mester registra prome. Durante 20 minuut, e Manager di e restaurant y su team lo guia tur bishitante pa experiencia e cushina, incluyendo un demonstracion di e medidanan di hygiena y siguridad di alimentacion, ingredientenan, y hopi otro ‘secreto’, cu aunke nan no ta den bista, nan ta forma parti di e compromiso di calidad cu e compania ta mantene su mes na dje desde e principio.
“Ta trata di un experiencia innovador y hopi special pa e clientenan. Ademas di discubri tur locual ta sosode den e cushinanan, participantenan ta siña varios tip util pa aplica den nan mesun cushina, ta conoce mas di nos compromiso pa brinda prome empleo formal na hobennan den nos comunidad y ta siña tocante nos practicanan di sostenibilidad ambiental cu ta forma parti di nos strategia ESG, Receta pa Futuro” Nurdrey Granviel, Market Manager di Arcos Dorados Aruba ta splica. Pa finalisa e tour, bishitantenan por duna nos nan opinion tocante e experiencia pa medio di un encuesta. Pa hasi un recorido di nos cushina, ta permiti maximo 5 persona pa cada tour, mester tin minimo 12 aña di edad, mester hasi uzo di tapaboca y cumpli cu e medidanan di seguridad di alimentacion. Tournan por wordo haci di dialuna pa diahuebs. Pa siña mas tocante Open Doors, bishita www.arcosdorados.com/puertas-abiertas-2022/
