E di dos fase di RADEX BCMS a wordo implementa exitosamente na St. Lucia. RADEX BCMS ta e programa di control di maneho di frontera cu a wordo desaroya door di e compania local, Gamma IT Solutions.
Dia 4 di juli a bay live cu e prome fase na St. Lucia y recientemente a completa e di dos fase. E fase aki ta trece cu tur biahero cu drenta St. Lucia ta wordo procesa door di RADEX BCMS.
Experto di immigracion di e Saint Lucia Border Control Agency, Mr. Lucius Lake, ta comenta cu e proceso pa implementa e sistema na George FL Charles Airport, Rodney Bay Marina y e terminal di ferry na Port Castries a bay perfectamente durante e prome fase.
Cu e di dos fase e sistema a go live na Hewannora International Airport, Marigot Bay y Soufriere. E ekipo di Gamma IT Solutions a train e empleadonan den e departamento nan encarga pa traha cu e sistema na St. Lucia.
Frank Baks, director di Gamma IT Solutions ta comenta “St. Lucia ta conta awo cu un sistema sumamente moderno y cu ta duna hopi posibilidad pa sigui agrega funcionalidad nobo cu ta inclui e posibilidad pa conecta tur e Departamentonan di Gobierno na St. Lucia. Esaki lo haci e frontera di e isla uno hopi mas sigur ainda.” Hopi mas isla den Caribe a mustra interes den RADEX BCMS y Gamma IT Solutions ta entusiasma pa por traha cu e islanan aki pa un control di frontera moderno y sigur den futuro.
