Desde cu e pandemia a cuminsa, e bandanan musical a pasa den hopi dolor di cabes, ya cu nan no por a duna nan presentacion. Aruba Entertainment 2020 a lanta e temporada ey p’asina sali na vanguardia di e musiconan, kende na un manera abrupto a perde nan pan, kedando pa un tempo basta largo sin por eherce nan profesion.
Ofo Escudero ta representante di Aruba Entertainment 2020 y e ta conta cu aworaki, danki na Dios cu trabao a cuminsa cana un tiki. Escudero ta sinti tambe entre e musiconan cu nan ta purbando pa recupera loke cu nunca mas nan lo bay haya. Loke a perde ta perdi e ta, el a enfatisa.
Toch e ta contento cu a purba di yega na loke ta atrasa y bay bek na cero y cuminsa subi un tiki nan cuent’i banco.
Por a ripara si cu e movecion ta mustra cu e ta bayendo den e direccion eynan. Manera tur hende sa, tabata un temporada super fastioso pa hopi hende. P’e musiconan, a dal un tiki mas duro. Pero loke cu Escudero ta contento si, cu ta ripara na e esfera con tur hende ta bezig pa tuma e trabaonan cu tin y p’asina tambe purba di coy e cabes pone bek riba awa.
Pa mayor cobertura lesa TREMPAN.
