Awe den oranan di mainta e ciudadano Jan de Ruijter hunto cu Michael Williams a tene un conferencia di prensa dilanti “oficina di papa”, manera nan ta yame.
Ta trata di e Bufete di Abogado Croes & Ruiz. Den esaki, y biaha pasa caba, a lansa hopi acusacion di cosnan indebido di gobierno, prome minister Evelyn Wever Croes, pero tambe a involucra e oficina di abogado. Awe cu a tene e conferencia di prensa dilanti e oficina aki, dado momento un empleado a sali cu un documento den man pa cobra Jan de Ruijter un debe cu e tin cu Island Finance.
De Ruijter a reacciona bisando cu e tin un areglo cu el a yega na dje caba cu IF, pero e empleado a keda insisti cu e tin cu paga tambe e gastonan di e Bufete di Abogado, manera por mira riba e video aki.