Den bida nos ta topa cu hopi circumstancia den cual nos tin lucha constant, y hopi biaha den Famia tin cosnan ta sosode, cu nos mester di un ayudo especial.
Pasobra ta yega e momento cu ni placa ni tampoco nos propio sabiduria no ta yuda. Pesey hopi biahia hende ta rekeri na alternativa di scuridad, hopi biaha violencia, hopi biaha divicion, pleito rabia, te hasta e situacion ta escala, y trece abandono di hogar, divorcio etc, etc, Tin un secreto bon warda pa esnan cu ta kere, y cu berdaderamente tin Fe den Dios.E palabra constantemente ta un palabra hopi grandi, y di gran balor pa nos bida, cas y famia.
Sirbi Dios constantemente ta nifica cu Dios ta na prome lugar den bo bida y den tur locual cu bo tin.Den bo bida Dios no ta un articulo, pero e ta bo unico alternativa , bo unico speransa, sin dje bo no por move , pasobra ta e ta dirigi bo bida. Y ta eynan nos mester yega. Beibel ta conta nos di e historia di Daniel y su sirbishi na Dios, Daniel tabata un gobernador den e reinado di Rey Dario, pero un dia su coleganan a lanta contra dje pasobra nan a ripara cu Daniel tin un Spirito extraordinario riba dje .Y door cu nan no ta comprende, locual Dios tabata haci den bida di Daniel, nan a dicidi di pasa un ley cu ta bisa cu bo no tin mag di haci oracion ni sirbi ningun Dios y cu tur cos tin di pasa cu permiso di rey.
Daniel no a bay di acuerdo cu e ley aki , y a bay den su camber habri bentana cu cara pa Jerusalem y haci oracion. Esaki a coste su trabao y tambe por poco su bida, pasobra e kibramento di e ley , lo pone cu nan lo tira Daniel den cueba di leon. Pero locual e rey tabata sa cu Daniel ta sirbi su Dios constantemente, y e Rey mes a bisa Daniel den Capitulo 6 vers 16: Bo Dios cu bo ta sirbi constantemente e mes lo librabo. Aki nan nos por mira cu ora nos ta sirbi Dios constantemente, e ta libra nos bida y nos Famia for di boca di leon, for di malesa, for di maldad, for di opresion, esaki ta un secreto bon warda, pa bo bida bo cas y bo Famia, pa tur hende uni y cuminsa sirbi Dios constatemente y Dios lo take care di tur cos. No ta importa e situacion, Dios ta capas. e ta todopoderoso, awor aki tin hopi hende ta biba bao di capa di miedo y angustia, bao di depresion, y tambe mal pensamento, debilita door di atake di malesa, y cosnan negativo cu nan ta scucha tur dia.
Bibando den mentira y sin salida, y sin consuelo, pero nos ta recomendabo pa sirbi Dios constantemente, stop di kere den hende, pero pone bo confiansa den Dios pasobra e ta e enico , cu por yudabo den e momentonan aki cu mundu completo ta pasando den dificultad .haci Oracion constantemente , canta bo Alabansa constantemente, bishita bo Iglesia constantemente, papia berdad constantemente, proclama Dios su palabra constanemente, biba pa Dios y stop di biba bao di promesa y palabra di hende.Pasobra ora bo ta sirbi Dios constantemente Dios ta sali na Bo defensa, e ta para na bo banda, ora tur hende bandonabo, Dios ta cu bo. Ta tempo pa wake up, y habri wowo, laga tur Famia sirbi Dios constantemente. Daniel a wordo tira den cueba di leon, pero e sali sin ningun daño. e mes un Dios cu a libra Daniel ta capas di libra abo tambe, bo cas y bo Famia.
Nos ta conseha tur Famia, y mas ainda nos ta rogabo, reconcilia bo mes cu Dios y sirbi Dios constantemente, y Dios lo bendicionabo grandemente, no ta nos ta bisa pero e ta para scirbi, e a wordo demostra cu ora bo ta sirbi Dios constamente e lo librabo y bendiciona bo den e momentonan di mas dificil. Nos ta invitabo pa sirbi Dios constamente.Masha Danki.
Pastor Marcel Balootje.
