Algun dia pasa a tende SKOA ta expresa cu no tin MAVO School pa studiante, etc. Minister Michelle Hooyboer-Winklaar a comenta cu lamentablemente e mes ta prome biaha el a scucha e noticia aki, ta caminda el a les’e via un di e noticianan y tin cu bisa sigur, cu el a sorprend’e, mirando cu ta un situacion si en berdad esey tabata e caso cu lo a haya informacion directo for di SKOA prome cu nan a haci un declaracion den prensa. Pero e momento cu a tende esaki, a cuminsa bay bek pa bay check, si a haya cualkier comunicado, cualkier carta, cualkier declaracion cu a indica esaki den pasado, cu tin indicacion cu ta bay tin demasiado studiante di MAVO y cu no tin e ora cupo den e scolnan existente di SKOA. No a topa nada y ta te dia despues di e declaracion aki, esta 24 di Juli, cu a ricibi un carta for di SKOA, notificando Gobierno cu nan analyse a mustra cu e ta un cuestion cu na unda e studiantenan aki ta ubica cu tin un reto den aspecto cu si tin cuponan na scolnan di MAVO na San Nicolas. No tin mayor of studiantenan no ta interesa of e no ta atractivo pa nan haci e tramitenan pa bay yega na San Nicolas, pa bay scol. Esey ta e reto cu nan a bin ta declara of ta informa Gobierno di dje, cu ta mas bien un asunto di logistica. Tin suficiente cupo, pero e cuponan aki ta na un scol cu ta mucho leu for di caminda e personanan ta biniendo for di dje. Eynan segun e minister, e informacion e ora, e manera con el a wordo treci p’adilanti, no ta completamente duidelijk of completamente na un manera mas transparente, pasobra el a crea e impresion cu no tin scol pa studiantenan di MAVO y esey den loke ta awo ta bin ta topa, no ta e caso. E ta un problema of un reto na unda y con ta ubica nan na e vecindarionan cu personanan ta bibando actualmente. Asina a haya e peticion e ora pa por crea un dependence di Maria College, na unda ya caba den pasado tabata huur un espacio eynan pa scolnan cu ta wordo renoba y a haci e peticion e ora pa por prolonga e huur eynan y pa por ubica e ora ey un klas for di Maria College, cu lo ta eynan y di biaha a aproba e peticion aki. E ta importante toch pa trece e claridad eynan dilanti cu no ta un cuestion cu tin un wachtlijst di studiante cu no tin scol. Esey no ta e caso. Otro directivanan si tin cubo. E ora ta bira cuestion cu na SKOA no tin, pero na DPS si tin, of na otro SPCOA si tin cupo. Segun e minister, no ta hustificabel of e ta logico pa cuminsa crea scol of busca kisas solucionnan ad hoc asina. Mester y a wak cu e populacion di studiantenan tampoco no a crece. No ta un cuestion cu tin mas, pero ta un cuestion sigur cu e ta rekeri e ora na unda y con lo por yega na un balansa entre e cantidad di klas, e cantidad di scol cu ta disponibel y unda precies ta pone esaki na disposicion di diferente directiva di scol. No por imagina cu e intencion ta e ora ey pa cada aña, si tin mas hopi studiante na Oranjestad of mas hopi por ta den un districto cu ta un tiki mas leu cu ta crea e ora un scol eybanda e siguiente aña. Si e cantidad baha, tin cu cera e scol, mester pop up un otro scol eynan. Asina sigur no por kere maneha of siguiente minister di enseñansa por maneha. Ta spera cu e comunicacion mas tempran cu 24 di Juli, manera cu a wordo informa for di SKOA, riba e peticion aki y na e momento cu segun e minister, por cuminsa toch di antemano, planea pa otro aña.
E mandatario a splica cu den pasado, na ningun momento esaki ta e caso. Tabata tin intencion pa crea un scol den e districto y pesey tin e scol unda antes tabata e dependance di Juliana school. Awe e ta conoci como Ceque College. Tin un poblacion cu ta crece den cierto area y districtonan y esey ta pone cu mester crea opcionnan di scol den un vecindario of den un cercania cu ta mas accesibel pa e habitantenan den e area eynan. Pero na ningun momento tabata tin fondonan cla pa ubica un scol asina aki. Mas bien ta papiando riba fondonan en general cu ta eynan pa e parti di infrastructura, renobando scolnan. Esey ta loke fondonan cu tabata tin disponibel y esey ta loke sigur lo mester bay sigui pasa eynan, pa por e ora crea e facilidadnan cu ta necesario na e scolnan existente y a lo largo crea tambe un scol cu lo por e ora eynan ubica un MAVO, un HAVO, kisas un VWO na e districto di Noord.
