Sharin Luydens ta hefe di Censo y miembro tambe di Conseho Electoral. Durante entrevista el a splica con e dia a habri y riba e proceso pa firma cu lo dura te otro siman diamars.
Manera ley ta perscribi, partidonan cu no tin asiento den Staten, of miho bisa, e lista cu wordo entrega, mester di sosten di 1% di e votonan valido di eleccion anterior y esey ta suma 578 firma.
E dia mes
Segun Luydens, semper e dianan aki ta habri druk. Un partido menos cu e otro, pero e ta bayendo den buena marcha.
Con e cos ta
Luydens a comenta cu tin e lista di partidonan y a deel in e balienan. Pero manera cu e dia ta transcuri, ta ripara cu tin un partido cu ta mas druk cu e otro y ta acomoda esey tambe e ora.
Proceso
E proceso aki ta caba otro siman diamars. Nan tin un break den e fin di siman. Ley ta perscribi cu pa shete dia por sostene e listanan di 9’or di mainta te cu 8’or y mey di anochi. Tin tempo suficiente.
Loke ta wordo permiti
Por mira cu tur cos ta trankil. Logicamente tin rij. A pone tent pa asina e hende no haya solo dimas, pero e ta moviendo y segun Luydens, cu den e transcurso di dia, e lo bay bira menos druk.
No mag firma pa dos lista
Tin cu identifica bo mes. Ta wak si bo ta registra como votado, e ora bo ta firma e lista. Ta anota esaki, pasobra un hende a purba di haci’e di bay firma pa un otro lista durante dia y ta wak’e caba cu a firma pa un otro lista. No mag di firma dos lista.
Sistema
Censo tin un sistema hopi bon mes. E ta wordo uza den tur parti di reino. Na Hulanda, den mas di 100 y pico gemeente, ta uza e sistema aki y tur cos ta wak eyden.