Un bista un poco mas di cerca riba kico ta locual cu algun mucha ta haci durante e temporada di crisis cu no solamente nos Pais pero mundo henter ta pasando aden. Tin cu imagina cu e impacto no solamente ta pa esnan grandi pero tambe nos muchanan cu no por compronde kico realmente ta sosode rond di nan cu cierre di practicamente tur cos riba nos Isla.
Pa esaki 24ora.com a haci un entrevista cu Jurima Bryson pa asina e conta kico tur su yiunan ta pasa aden den actualmente.
Un momento hopi dificil ya cu tur dos ta custumbra cu un rutina basta amplio den siman, banda di esun di scol. Ademas di scol, tin cu menciona cu e otro actividadnan tambe a cancela. Manera entre otro e landamento, lesnan di instrument, coremento, ballet y esey ta haci cu nan ta cay den un bashi basta grandi.
Locual cu Jurima a purba di haci ta, basa riba e habilidadnan cu e tin, mirando cu e no ta maestro cu ningun habilidad pa duna les ni pa draag over kennis pero ta haci su best pa tene e muchanan bezig y pa tene nan enseñanza na un nivel pa na momento cu mester bay bek scol, nan no a cay hopi atras.
A forma un grupo di mayor entre nan mes, y ya haciendo uzo di diferente metodonan online di diferente website. Tin persona cu a facilita cierto ayudo, en todo caso e scol cu yiunan di di Jurima ta bishita ta preparando un que otro pa asisti e mayornan mas tanto posibel. Ta un esfuerso hunto pa asina tene e muchanan bij cu nan estudio.
Ta sigui train durante dia y durante oranan di atardi ta encurasha actividad fisico pa tene nan ocupa. Pa mucha e ta hopi dificil, den Jurima su bista, ya cu nan no ta custumbra di keda cera hopi. Nan ta sinti fastioso di no por move/ sali/ bishita famia, mas tanto Wela / Welo cu actualmente ta limita y ta haci e situacion ainda mas dificil pa custumbra.
Pa locual ta material, Juraima ta conta cu e ta print for di locual nan ta haya online cu porcierto ta hopi y accesibel. E ta keda na cada persona ( Hogar ) pa wak kico ta traha pa nan y haci nan best y no perde cabes. Tambe Jurima ta consciente di e conseho aki pasobra no ta facil pa tur hende y internamente cada un ta pasando den un mini crisis personal, pero ta purba atende cu e situacionnan cu ta na alcance y na e momento cu e presenta.
Manera yuda bo yiu cu su huiswerk ta algo na bo alcance, mientras cada situacion cu presenta lo tin cu atake sistematicamente, AWO !
