Durante conferencia di prensa gobierno ta spera cu fin di aña aki bay mas miho compara cu aña pasa. Gobierno ta tene cuenta cu aumento di actividad, aumento di hende mas cerca di otro. Ta sigui mantene e medidanan cu tin aworaki ya cu no por flexibilisa mas di awo te fin di aña.
Prome Minister mr. Evelyn Wever-Croes a informa cu no ta flexibilisa pasobra nan ta mira e riesgonan. E riesgonan cu e mandatario a referi na dje ta despues di celebra Pasco y aña nobo, y perde di gana den temporada di high season cu ta januari – februari. Esey ta un balansa constante y gobierno ta tene cuenta cu esey.
Crisis Team ta evaluando si tin di bin cu medida adicional pa e pasaheronan cu ta bin fo’i Hulanda, sea ta e propio yiunan cu ta bin di vakantie of Hulandes cu ta bin di vakantie of trabou. Na Corsou tin medida mas avansa y estricto p’e Hulandesnan.
Pa un cobertura mas amplio lesa e edicion di TREMPAN di mañan.
