Cerca di orario di Toque De Queda un persona a bati alarma pa un accidente cu a sosode riba dr. Scheapmanstraat caminda pa Lago Heights.
E accidente a tuma luga faltando 10 minuut pa TDQ cuminsa. E ta wordo cataloga como un caso di hit & run comokiera cu e chauffeur a bandona e sitio despues di e sucedido.
Ta trata di e un Nissan March numera A-48325, kende a bin for di Juwana Mortostraat y a bira drenta Sero Bentanaweg. Kisas e chauffeur no tabata custuma cu e stuur na otro banda, of velocidad, pero hecho ta cu e mester a perde control ya cu el a bay dal den vangrails.
Esnan cu a yega prome na e sitio, a mira e chauffeur eybou ainda, pero ora cu polis a yega ya el a bay for di e sitio. A dicidi e ora pa pidi presencia di takelwagen cu a hiba e vehiculo Warda di Polis unda cu e doño por pasa busca su vehiculo y duna un splicacion di kico a pasa. Por a compronde na sitio cu e Nissan March numera A-48325 ta registra na Sero Bentanaweg.
