24ora.com a trece padilanti dialuna ultimo Junior Rivas di ta disgusta cu su mama a fayece door di negligencia di dokter. El a trece dilanti kico tur su mama a pasa aden tanto na hospital y dokter di cas te ora cu el a fayece.
Loke el a trece dilanti no a cay na bon tera cerca algun hende y p’esey e kier a aclaria algun cos. Rivas a bisa di ricibi un rapport cu e conclusion di e specialista di pulmon. Den e rapport ta poni cu probablemente e mama tabatin neumonia y di a papia cu e yiu di e tratamento. E dokter a pone cu e yiu a papia di saca e vocht for di pulmon of corta e pulmon y pa esaki Rivas kiermen e no a bisa esey, pero a puntra si por kita e pulmon cu ta yen di vocht.
Segun Rivas, despues di a papia cu e dokter, el a saca su conclusion cu e dokter no ta specialista di pulmon. E dokter a brinda morfina na e mama p’e dolor. Den e rapport tambe a pone cu a haya straño cu el a persuadi personal di ambulance pa hiba e mama hospital un biaha mas, pasobra el a bisa pa no hib’e eynan mas. El a sigui bisa cu ora a manda su mama cas diasabra, a dun’e morfina di 2.5 miligram y tambe ta poni den e rapport cu e yiu a bay di acuerdo.
Rivas ta para ariba di no a bay niun rato di acuerdo y no a firma un consesus. Unico papel cu el a firma ta esun di ambulance pa transporta su mama bek, pasobra nan no tabatin transporte. Na cas Rivas a atende su mama y den careda di 10:00PM el a mira su mama fayece.
