Nan no sa nada di TdQ: Polis a duna turistanan chens pa yega hotel

6405

Un grupo di turista den un vehiculo estilo UTV cu nan jug di bebida den baki patras, a topa cu un control di polis net banda di Fermin’s Bar na Boegoeroei. Ey e polisnan a caba di detene un homber betra na pia y tabata wardando transporte pe. Net e ora ey e turistanan a pasa, pa cual a para nan pa controla. A splica e defensornan di ley cu nan no sa nada di Toque de Queda.

Polis a splica nan cu ta prohibi pa ta riba caya despues di 10:00pm, debi na medidanan di prevencion pa plamamento di Coronavirus. A splica nan cu cada un tin chens di haya un multa di 600 dollar Mericano, dor di viola ley di Toque de Queda. A pidi autoridad un chens, pasobra na nan hotel ningun hende a splica nan di e medida aki, sino nan lo no a bin Aruba mes.

E polis a tene cuenta cu nan no sa di e medida aki y a duna nan chens pa core yega nan hotel y asina evita e multa. A informa nan cu tur luga ta cera caba pues pa nan core straight pa hotel, sin pasa ningun otro caminda prome.