Diabierna ultimo Edixon Arguelles a keda sentencia na 6 aña di prizon pa tene relacion sexual cu su yiu muhe menor di edad. Awe e yiu, kende ta biba na Colombia, ta declara publicamente cu su tata no a abusa di dje. Pero si tin un familiar a yega di viol’e tempo cu e tabata na Venezuela.
Den e video e ta bisa cu nunca el a biba cu su mama. Cu su 9 aña el a bini Aruba pa un miho bida y a bay biba cu su tata. El a biba hopi aña cu su tata y e pareha di dje, te ora cu den su rebeldia pasobra e tata no tabata dun’e permiso pa sali, a dicidi di bay biba cerca su mama. “Esaki tabata e decision di mas malo cu mi por a tuma.”
Tabata e ex amante di su tata cu a haya e video den e celular di su tata y a manda esaki pa su mama. Segun Nadia a conta, riba e video ta reconoce su tata pa un tattoo cu e tin na su man y e tata mes a admiti cu e ta riba e video. Pero e hende muhe, no ta mira kende e ta. No ta pasa su cara.
Nadia a conta cu su famia di banda Baroud tabata kier pa nan declara contra su tata y su ruman homber, kende kier a bay biba na Hulanda a bay di acuerdo pa gaña. Pero e si no a haci esey. Despues di esaki, e ta bisa, a laga su ruman bandona, y awo ta cay bou di Gobierno pasobra nan mama no ta wak p’e.
Pa loke ta e video, el a bisa cu nan ta papia di un pidjama di prinses cual nunca el a bisti. E no ta bisti pijama, segun el a conta. Solamente short y short of ta drumi den panty y bh, pero dilanti su tata semper e bisti na short y flanel, pasobra e ta haya pa cana na panty y BH dilanti tata ta un falta di respet. Polisnan a busca y no a haya e pidjama tampoco.
El a dicidi di bay Colombia cu su guy pasobra aki na Aruba e tabata sinti su mes hopi malo cu loke tabata aparece riba Facebook, comentarionan na dje continuamente, y e no tabatin hende pa wak p’e. Aworaki e ta bibando cerca wela di su guy. Su ruman homber mes tabata bandona na Aruba sin ningun cuido. Ora cu el a tende cu e tabata malo, a manda mama di su amigo pa bay wak’e y asina a hibe hospital.
Scucha e entrevista largo aki cu Naida Arguelles.
