Diasabra, pa mas of menos 9:30PM, na altura di Springfield Supermarket na San Nicolas, a sosode un accidente entre un Nissan March color blauw cla y un truck marca KIA color blanco.
Dado momento e chauffeur di e March, cu un tiki betro aden, a baha fo’i su auto y a cuminsa reta e chauffeur di e truck pa un pelea, cual na final a tuma luga tambe.
Polis a yega di biaha, a intermedia den e pelea y a detene e agresor mesora, mirando e hecho cu el a purba di lanta contra nan. Polis di trafico a presenta pa sina tuma dato di e situacion.
Daño material na e Nissan March tabata bastante, contrario na e truck di KIA, cu no a haya gran cos.
