Diasabra, pa mas of menos 11’or di anochi, polis a bay pa un accidente basta pisa riba e caminda di Hooiberg bayendo abao, net despues di e T-kruising cu Sero Biento.
Eynan polis a constata cu no tabata tin herido, pero si e autonan envolvi tabata basta na werki.
Segun informacion compila na e sitio, chauffeur di un Hyundai Elantra lo a bin for di e caminda di Sero Biento y a subi desde for t-kruising riba e caminda di Hooiberg bay direcion Playa, na momento cu un Toyota Glanza color blanco a bin di pariba y dal tras di nan. Chauffeur di e Toyota blanco a laga sa cu e tabata bayendo abao berdad, ora diripiente e Hyundai Elantra a sali su dilanti.
Polis a percura pa tuma declaracion y dato di ambos partido, pa asina nan por hink’e den nan rapport. E caminda a keda basta rato cera en espera di e takelwagen pa asina por kita e autonan fo’i caminda.
