Muscles and Lungs Crossfitness hunto cu High Performance ta bay on pa di 5 biaha consecutivo cu e ANNUAL OPEN GAMES cu ta wordo haci rond mundo den tur e boxnan cu ta oficialmente registra na e CrossFit International. E competencia lo ta durante 5 siman consecutivo cuminsando for di Diasabra awo 24 di February y ta caba dia 24 di Maart. Cada siman lo tin un workout diferente y e atletanan mester cumpli cu tur esaki.
Pa e aña aki nos ta conta cu e apoyo di nos sponsor principal cu ta Local Store, Stemma Trading, Sport Caribe y otro sponsornan mane Quality Chiropractic, 1-87 Food Aruba, Xendurance, Fuel For Fire y Naturopatia cu nan aporte pa engrandece y apoya e deportistanan di Aruba.
E competencia lo ta na Muscles and Lungs CrossFit tur diasabra for di 4or pm te cu 8or pm. Muscles and Lungs CrossFit ta situa banda di CMB blvd. E emocion ta centra riba diasabra unda lo tin un compentencia formal entre nan mes.
E atletanan por inscribi tambe na e ranking international pa participa pa e competencia regional compitiendo e biaha aki pa Suramerica cu e ana aki e competencia lo ta bay ta na Brasil. Pa loke ta e participashon e ana aki nan a haci diferente; nan a selecta pa zonanan cu ta haci mas facil pa e participantenan di Suramerica por tin mas chance pa gana y por bay representa nan pais na Brazil.
Nos ta invita henter e pueblo di Aruba vooral esunan amante di deporte y di Crossfit pa pasa na Muscles and Lungs CrossFit y disfruta di e drama buta riba cada diasabra, un competencia sigur hopi emoshonante. Nos kier duna un danki na tur sponsor cu ta aporta na deporte di Aruba y tur e voluntarionan cu lo bay haci e evento aki un exito.
