Diabierna anochi alrededor di 7:00 pm a sosode un accidente entre auto cu brommer dilanti Cura Cabay Minimarket na Cura Cabay. Aki ta caminda cu e motociclista sin luz tabata bayendo pariba y un auto marca Toyota a lora su dilanti sin nota cu e brommer tabata den su banda.
Daño material tabata basta, no solamente na e brommer sino na e auto tambe. E motociclista a resulta herida, a fractura su pia seriamente, tur cos ta mustra cu el a kibr’e den varios parti.
Ambulance a presenta y a transporta e motociclista pa hospital p’e ricibi atencion medico avansa. Polis di San Nicolas a cera caminda mientras e specialista di trafico a documenta e accidente aki.
