Diaranson alrededor di 4 or di atardi a drenta varios yamada na nos mesa di redaccion relaciona cu un motociclista cu ta draai riba caminda. Berdad rib’e caminda di Piedra Plat pa Paradera a nota marc’i taira riba caminda. Den mesun rosea tabatin un unidad di recherche rib’e caminda di Piedra Plat. E agente investigativo a wak henter e show.
Debi cu nan tabatin un detenido den auto, no a baha y atende cu e motociclista. Polis di Sta. Cruz y Playa a controla den e area pero no a topa cu ne. Un rato despues a chang’e na Jay’s Tireshop ta cambia taira. E brommer no tin ningun tipo di documento, pues ta duna polis tur motibo pa kit’e fo’i dje. Un takelwagen a hiba e brommer pa warda di polis. E lo tin di carga tanto e costo di e takelwagen como e multa cu el a ricibi. Su brommer, e no lo hay’e bek pa awo. Lo tin cu regla tur su documentonan y cumpli cu e costonan prome cu yega na remarc’e pa hay’e bek.
