Diaranson net algo prome cu mey anochi, den careda di 11:55 PM e radar a capta movecion di un boto biniendo direccion di Aruba. Mesora Metal Shark di wardacosta a sali pa intercepta esaki. Pa 01:45 di marduga e Metal Shark ta intercepta e boto ‘El JUNIOR’ cu registracion ‘ADKN 3887’ procedente di Venezuela. E tabata tin 14 persona abordo.
E boto a ser intercepta den awanan teritorial di Aruba. Tur persona a intenta di drenta Aruba clandestinamente.
Den bon cooperacion cu helicopter di KPA a dirigi e boto pa Mariniers Kazerne Savaneta. E capitan y su ayudante den e caso aki a keda deteni. E resto di e tripulantenan a wordo traslada pa Guarda Nos Costa. Un caso cu a demostra un bon colaboracion entre e dienstnan encarga cu cuido di nos frontera.