Awe Mon Plaisir Basis School a tene nan Jump In na Scol mes. E tawata entre 12:15 pm pa 12:30 Pm y despues entre 12:30 pa 12:45 tawatin un carnaval-zumba.
E muchanan a gosa hopi mes y tawata tin muchanan di 4 pa 12 aña di 16 klas cu a participa durante e jump. E tabata en total 416 mucha y maestronan cu a scoge un tema pa full e scol. E tema tawata naturalesa y sub tema tawatin klas cu a bin cu Giraf, Bi , Cadushi, Tiburon, etc.E scol a invita e mayornan pa nan bin wak nan yiu enjoy e dia di awe na scol y por a mira cu hopi mayor a presenta tambe.
E scol a busca un Dj pa toca pa e mucha nan. Semper e scol ta celebra carnaval paden mes y tur aña ta diferente. Aña pasa nan a bay den e parada di Dakota. Y 8 pa casi 9 aña pasa scol a haci Lighting Parade na e scol mes y e mayornan tawata basta contento di mira nan yiu gosa durante e jump na e scol. Por a mira cu nan a gosa hopi mes. E preparaciontabata bou guia di Debby Arends Gietel, cabesante Mon Plaisirschool y cu ayudo di su comision. Musica tabata na encargo di DJ Uri Ponson, kende ta welo di un di e studiantenan.
