E reportero cu ta bende number ta liber atrobe. El a atraca su mes dia 25 di february 2022. Esey a pasa na Paradera. Su situacion financiero a pone tuma tal accion. Aunke el a hunga un bon show den henter e proceso di e atraco, toch e sistema di siguridad a prueba cu no tabata tin ningun atracado presente.
E mes a coy e placa y disimula un atraco. Den fin di siman a detene na su cas. A interog’e y el a admiti cu e mes a coy e placa y haci manera ta un atraco e tabata. El a bisa tambe cu necesidad a pone comete e acto aki.
El a bisa e team investigativo mesora cu e ta willing pa paga bek loke el a horta. El a yega na areglo cu e chines cu ta doño di e loteria y lo paga e placa pocopoco.
Asina tambe despues di e declaracion, fiscal a haya cu no tabata necesario pa tene cera. El a haya su libertad y por a pasa diadomingo dia di mama na cas.
