Diamars marduga un unidad policial a dirigi pa Nelson Orlando Oduber Boulevard pa duna asistencia den un accidente di auto. E situacion cu e agentenan a topa cune ta uno den cual un pick up Chevrolet a bolter na banda robes di caminda y cay na e division di entre ambos direccion dilanti di e compleho di cine Gloria.
Ta desconoci kico exactamente a pasa, pero si a hala atencion cu, ademas di e bolter, e auto a keda cu cara panoord, mientras cu e tabata chauffeur tabata stuur bayendo direccion zuid.
Realisando e procedura usual, polis a constata cu e chauffeur tabata bou influencia di alcohol. Esaki a keda confirma door di a lag’e supla den aparato di Alco-Sensor cu a indica cu el a surpasa e limite estableci pa ley. Como tal, a procede a na su detencion y transporte pa warda di polis. Reportero a tuma nota cu familiarnan a yega na e sitio y a percura pa bay cu e auto cas.
