Dialuna anochi a atraca un dama turista den caya patras di Kerki Protestant na Oranjestad ora e tabata bayendo pa come na The Driftwood Restaurant den centro di ciudad. Un ladron a ranca su tas bay cune.
Awetardi Minister di Turismo Dangui Oduber hunto cu Minister di Husticia Andin Bikker a bishita e turista pa entrega un regalo, pa papia cune y tambe regla un dia gratis di hotel pa e por disfruta di nos dushi isla apesar di un experencia menos agradabel.
E turista parce a keda hopi gradici pa e atencion ricibi di Gobierno, Cuerpo Policial, Slachtofferhulp, personal di Renaissance Hotel, di ATA y AHATA.
