Vocero di Ministerio Publico Ann Angela a confirma cu a manda pidi ayudo di autoridadnan Mericano pa haya oficialmente e recordnan di confesiondi Joran van der Sloot.
Diaranson ultimo van der Sloot a yega na un plea bargain cu husticia Mericano. Pa confesa kico a pasa cu Natalee Holloway dia 30 di mei, 2005 na Aruba. E tabata e ultimo persona cu tabata den compania di e hoben Mericano.
A manda pidi tur documento di corte y transcripcion cu tin di haber cu Joran van der Sloot su caso, como tambe documentonan relaciona cu e investigacion.
Prome cu dicidi kico ta bay haci, autoridadnan di Aruba mester revisa tur e documentonan disponibel.
A base di e acuerdo di confesion di diaranson ultimo, den un caso di extorsion, Joran a haya un castigo di 20 aña cu ta core simultaneamente cu e tempo cu e ta pasa den prizon na Peru pa un otro caso di asesinato.
