Diamars atardi Minister di Asuntonan Economico, mr. Geoffrey Wever a sali rumbo pa Hulanda hunto cu un ekipo di comerciante p’e Aruba Investment Summit 2024.
E Summit aki ta un evento organisa pa Ministerio di Asuntonan Economico, Camara di Comercio y Representante di Hulanda di Aruba (VNO). E meta di e biahe aki ta pa atrae inversionista pa bin inverti na Aruba. Ta promociona Aruba como e sitio perfecto pa inverti. No inverti den mas hotel sino den vivienda, compleho di apartamento y negoshinan hunto cu nos localnan.
Prome cu Wever a sali cu su delegacion, cual e ta encabesa, el a conta cu pa locual ta e inventario cu a laga haci pa mira e cantidad di edificio bashi, ta mira cu no ta tur a registra. Pero por lo menos di esunnan cu a registra, a nota cu tin mas interes pa Caya Grandi compara cu San Nicolas.
E idea ta pa hunto cu inversionistanan di afo, uni cu nos localnan y hunto crea algo positivo. Ta di spera un bon resultado di e Aruba Investment Summit 2024 aki, pa cual Cas di Aruba tambe lo yuda den e proceso aki.
