Con ta baha economia informal aki na Aruba? Esey tabata e tema trata durante un encuentro entre parlamentarionan. Na Hulanda e economia informal ta forma un 10% di e total. E meta di Minister di Asuntonan Economico Geoffrey Wever ta pa baha esun di Aruba cu actualmente ta 20% di henter e economia, o sea un quinto parti.
Ta normal cu den tur economia ta haya esun oficial (registra tur caminda) y e parti informal. Na Merca unda tin un control hopi estricto e economia informa ta calcula na 7.3% cu ta representa aproximadamente $1,608 biyon na e nivel di e GDP PPP.
Y na Colombia ta calcula esaki na 43%. Pues por mira cu den area latino por lo general e compania informal ta hopi grandi, probablemente debi na e pobresa existente.
Den parlamento e titular di Asuntonan Economico, Goeffrey Wever, a duna un relato amplio con e situacion ta y kico ta su plannan.
A papia di un estudio cu a haci na aña 2022 cu e economia informal di Aruba ta un averahe di casi 20% di e GDP. “Pues e ta grandi. Tin hopi cos ta sosode den e parti aki di nos economia. Di parti di gobierno a dicidi pa institui un comision cu ta consisti di Departamento di Asuntonan Economico, Departamento di Impuesto, Directie Arbeid, SVb y ATIA.”
Pa e relato completo abona riba TREMPAN.
