Den cuadro di binticinco aña di relacion di trabou entre Dutch Caribbean Nature Alliance (DCNA) y Prinses Beatrix, lo tuma luga un acto di firmamento y tambe un simposio riba e tema di naturalesa na Corsou. Pa esaki, Minister di Naturalesa di Aruba, Ursell Arends a biaha hunto cu su casa pa Corsou.
Manera ya a indica, ayera Su Altesa Real Prinses Beatrix a yega Corsou pa atende e evento aki. P’esaki, tin diferente otro diplomatico den Reino cu tambe lo ta presente, entro otro Gezaghebber di Boneiro, Edison Rijna. Aruba tambe ta presente pa e encuentro special aki.
E evento lo culmina diadomingo awo cu un acto ceremonial hunto cu S.A.R. Prinses Beatrix, S.E. Gobernador di Corsou, Lucille George-Wout, Prome Minister di Corsou, Gilmar Pik Pisas y demas diplomaticonan den Reino.
