Diabierna atardi, poco despues di 6:00, a sosode un accidente entre tres auto riba Watty Vos Boulevard. Tabata riba e caminda di rotonde di Wayaca pa rotonde Cumana.
Segun informe ricibi na sitio, pa un of otro motibo un SUV marca Hyundai modelo Terracan a dal tras di un auto marca Toyota modelo Altezza, despues el a bay dal den un truck y na final a dal den banda di e mesun Toyota Altezza un biaha mas. Den esey, e Hyundai a dal den algun baranca band’i caminda.
Algun hende na sitio, a comenta cu e chauffeur di e Hyundai lo tabata bou di influencia pero no a logra confirma e informacion ey. Ambos chauffeur tabata herida, esun di e Altezza tabatin dificultad pa hala rosea y esun di e Hyundai tabata keha di basta dolor. Pa loke ta trata e chauffeur di e truck, e no tabatin dolor.
Dos ambulance a presenta na sitio pa trata ambos herido. Polis a cera e rotonde di Wayaca p’asina personal di ambulance y polis por a haci nan trabou.