Di parti di minister Rudy Lampe, e ta sumamente contento di por a bin na Simar y dialoga cu e miembronan di e sindicato Simar y ta satisfecho cu e preguntanan cu a haya di e miembronan di e sindicato. Pasobra el a duna e oportunidad pa aclarea dudanan cu por tin eyfo y por a duna e mensahe cu nan no mester preocupa pasobra ningun hende cu ta trahando awor aki den enseñansa publico, lo perde trabao. Ningun hende lo perde nan posicion huridico. E rechtspositie di tur loke ta personal cu ta duna les awor aki na scolnan publico, lo bay keda identico cu e cambio aki. A duna nan e mensahe cu no mester tin ningun motibo di preocupacion.

Ponencia di oposicion

Diferente politico den oposicion riba e punto cu Gobierno ta perde un grip y si tin mester di pone mas alumno den un klas, esey no ta berdad, segun e mandatario. A menciona esaki tambe den e presentacion y splica e maestronan cu ta keda scolnan di Gobierno. Nan ta keda 100% scolnan publico y e obligacion di tuma tur mucha cu ta bati na porta di e scolnan aki, ta bay keda ancra den e statutonan di e Stichting Openbare Onderwijs. Den e sentido aki no lo bay tin ningun cambio.

Preocupacionnan di miembro

Segun e minister, a contesta e ministernan cu a bin di parti di e maestronan cu tabata dirigi specialmente riba nan posicion huridico y por a bisa nan cu hechonan, cu no lo bay tin ningun cambio pa loke ta nan posicion huridico. Nan no mester preocupa cu esey.

Siguiente pasonan

Ademas cu Simar, a reuni cu SEPPA. A reuni tambe cu TOPA y a presenta den parlamento e plannan aki y den e proximo simannan lo bay keda den e dialogo continuo aki cu comunidad pa asina aki duna di conoce e cambionan aki cu ta na caminda. Na final di cuenta ta parlamento lo bay tin e ultimo palabra den esaki.

Timeframe

E planning ta pa en todo caso entrante 1 di Januari 2019, pa e sistema nobo aki ta na vigor, e mandatario a splica por ultimo.