Minister Chris Romero a bishita diferente departamento di Gobierno, cu ta resorta bao di su ministerio. For di tempran e tabata na Departamento di Meteo. El a splica cu el a sigui cu su bishitanan den e diferente departamentonan cu ta cay bao di su encargo. Mainta el a bay Santa Rosa, unda cu el a combersa cu e directora, Nathalie Maduro. E tabata un dia hopi largo. El a haya diferente informacion. E tabata na e edificio di Aviacion Civil, unda cu el a reuni cu sr. Edwin Kelly, director, kende a trece su preocupacionnan , pero tambe idea y sugerencianan. Tin di bisa cu tabata tin hopi cos ainda cu ta pending, pasobra ta importante cu sin directie luchtvaart, bo por tranca turismo, cual nos ta bibando di dje.
Tin cosnan urgente cu mester wordo trata mas lihe posibel y tambe acuerdonan mester wordo firma, pa asina e trabao por sigui. Ta bay tin auditing na caminda di Ikeo, caminda cu tin trabaonan grandi mester wordo haci di esaki.
Aparte di esey tambe, a bay den otro departamento di Meteo, unda cu a reuni hunto cu su conseheronan, cu e director, sr. Mark Oduber, caminda cu berdad diahuebs ta final di e temporada di horcan, unda cu el a trece nan visionnan pa loke ta futuro. E inversionnan cu nan lo mester tambe pa esaki, pero tambe e idea unda nan lo tin deseo pa hiba e afdeling aki, bao di e capa di sostenibilidad. Con cu bay bin, e dos departamentonan cu a bishita diahuebs, den e oranan di atardi, ta sumamente importante pasobra esaki ta kico ta pone nos pais draai eigenlijk.
Ban bisa un avion no por subi baha sin cierto informacionnan reconoci mundialmente. Tin di bisa awe sigur tabata un dia cu a haya informacionnan sumamente valido y importante cu segun e Minister, mester aprecia e trabao cu nan ta haci eyden y balora nan tambe. Como tambe duna tur sosten posibel. Pa paar di luna nan no a haya e atencionnan necesario pa motibo di eleccion, etc., pero sigur sigur den e siguiente dianan aki, nan lo haya nan atencion debido y asina yuda nan tambe funciona manera debe ser.
Aviacion Civil
Segun minister di transporte y comunicacion y sector primario, Chris Romero, tin diferente punto cu tin. Por ehempel tin den e area cu nan mester di mas inspecteur cu por yuda den diferente area. No solamente esey. Si bay bek riba e aspecto sin esaki, bo no por sigui funciona debidamente. Tin diferente punto cu awor aki no por papia riba dje. E minister a splica cu una bes e atende esakinan, lo trece esakinan den claridad. Tin cinco punto cu a papia riba dje specificamente. Den curso di e siman aki lo trata nan y lo trece esakinan dilanti.
Siguiente paso
Tin auditnan cu tin cu tuma luga. A priminti e director cu den e curso di aki dos siman lo pasa door di e diferente puntonan y yega na solucionnan cu tin cu wordo haci mas lihe posibel.
Gasto
Gasto semper tey. Pero tin un budget poni un banda pa esaki cu lo por cover esakinan.
Atencion
E minister a haci un inspeccion di e edificio. Ta puntonan cu e directornan a trece dilanti. E situacion unda nan ta aden. E edificio no ta apto. Tin decadencia enorme y si wak e plafond, e liekmento, no ta den e miho estado, cu sigur lo por causa cu bo tin AO tambe, hendenan ta bira malo door di esakinan. Un otro problema cu por menciona ta a bin haci test pa wak si e ta saludabel pa ta eyden. E resultadonan no a hayanan ainda. Ta wardando esey. Manera cu haya sa, lo wak con lo sigui trat’e. Sigur mester bin renobacionnan. Mester bin haci e luganan aki mas apto pa e dos departamentonan aki.
