Diaranson, tabata un dia cu un desaroyo positivo. Boneiro sigur ta un ruta no solamente pa e parti local, sino tambe pa e parti corporativo. Tabata algo cu a pitch in pa basta tempo, pa hunto cu diferente aerolinea, caminda cu Aruba Airlines awor aki a tuma e reto, cu su vuelonan cu tin di nan ta directo y tin di nan via Corsou, cu ta duna un servicio hopi mas amplio pa su clientenan. Segun Joanne Arends, airservice development manager, den e parti di esfuerso, Aruba awor aki, ta conta cu mas of menos 27 aerolinea cu 31 destinacion directo desde Aruba pa mundo. Sigur esaki ta uno mas cu ta añadi den nan portfolio. Den e parti di kico ta esfuersonan cu ta haci conhuntamente cu ATA, pero tambe Gobierno y tambe AHATA sigur, tin un lista di aerolineanan cu tur ruta cu ta dedica na dje.
Segun Arends, pa e lunanan venidero cu ta winter, ta premira un crecemento di 7% compara cu e periodo di e aña anterior. E lunanan di winter ta November, December, januari, Februari y Maart. Ta lunanan cu nan ta premira e crecemento cu ta ekivalente na ongeveer 29 mil stoel adicional cu lo bay tin pa e parti di winter.
A acomoda tur peticion cu tabata tin. Ta importante pa menciona cu ta un combinacion di vuelonan adicional, pero tambe rutanan nobo cu lo habri den december. Lo bay tin rutanan directo desde Minneapolis, uno cu Delta y tambe Sun Country cu ta un aerolinea full nobo pa Aruba. E ta un combinacion di nan dos pero tambe por mira cu e aerolineanan a upgrade nan ekiponan. Ta bay tin avionnan hopi mas grandi y sigur di parti di aeropuerto, e team di operation tabata bezig y sigur tur e esfuersonan pa wordo haci pa por brinda e servicio optimal pa e pasaheronan.
Esfuerso como aeropuerto
Esaki ta un coordinacion tin biaha di aeropuerto, pero hopi biaha cu ATA. Akinan ta alinea e strategianan pa e añanan cu ta bin y tambe ki aerolinea ta target pe. Pero tambe ta bay man den man cu AHATA cu ta hunga un rol hopi grandi tambe.
Reunion
Sigur nan ta topa den diferente reunion y tambe tin contacto estrecho cu e aerolineanan riba base regular.
Cumplimento
Tin diferente business case, esta rutanan cu pa aeropuerto ta pone riba nan lista, ta rutanan cunan lo kier atrae, pero sigur e lo bay na su debido tempo, incluyendo e partnernan.
