Ta conoci cu den tempo di refineria Lago, a traha cas den Sero Colorado, loke awendia nos conoce como Colony, cerca di e refineria.
Na momento cu e refineria a cera, hopi di e casnan aki a keda atras y bandona. Si den e ultimo temponan tabata tin varios di e casnan aki cu a laga drecha y actualmente ta habita. Pero no tin siguransa cu si e personanan cu ta biba den e casnan aki, ta doño di e cas. Pa esaki tin actualmente un investigacion tumando luga den Departamento di Infrastructura y Planning (DIP) relaciona cu esaki.
Ta trata aki di un investigacion pidi di prome cu e mes a drenta gobernacion, unda ex-Minister, drs. Marisol Lopez-Tromp a manda pidi. Asina Minister di Infrastructura, mr. Evelyn Wever-Croes a cuminsa ta bisa.
E investigacion ta investigacion forensico y esey ta e unico investigacion cu tin actualmente na DIP, ya cu e investigacion penal cu Ministerio Publico tabata conduci a yega na su final. Unabes cu e investigacion ta cla, lo reuni cu tur esunnan cu ta bibando ilegalmente den e casnan aki pa mira con ta haci cu pa drecha e situacion aki. Tin hopi habitante cu kier un tereno of un cas den Sero Colorado, pero mester warda pa e investigacion forensico aki keda cla, p’asina por cera e capitulo aki tambe.
Pa mas lesa TREMPAN.
