Ta parce cu Minister Otmar Oduber a irita bastante cu e preguntanan haci pa Fraccion di MEP via e Lider di Fraccion, Rocco Tjon. Cu un tono e mandatario a contesta e Parlamentarionan cu henter e asunto di cobransa pa piki sushi ta forma parti di e acuerdo di gobernacion entre MEP, POR y RED.
E mandatario a keda asombra cu tur e preguntanan aki, specialmente pasobra e tin simannan caba ta papia di e tema. A negocia cu sindicatonan y a yega na un acuerdo pa socialisa e tarifanan.
El a ricibi e carta diabierna ultimo y a contesta diasabra mes caba. Asina demostando su determinacion pa atende e asunto aki lihe. E maneho aki a drenta na vigor desde diadomingo 1 di juli 2018. Hecho ta si cu tin hoi pregunta sin contesta ainda, cu ta causando hopi pregunta y den algun caso, hasta disgusto, den comunidad.
[pdf-embedder url=”https://24ora.com/wp-content/uploads/2018/07/Contesta-di-Minister-Otmar-Oduber-na-Fraccion-di-MEP.pdf” title=”Contesta di Minister Otmar Oduber na Fraccion di MEP”]
