Tanto Domino’s Pizza como Dunkin’ Donuts tabata blanco di critica awe diadomingo riba rednan social, debi na mal aplicacion di e ley adapta di impuesto. Manera ta conoci, nos tabatin un combinacion di BBO-BAZV cu hunto tabata 3,5% riba tur benta. Desde awe a introduci un di tres impuesto, BAVP y hunto e impuesto a bira 6%. Pero na Domino’s Pizza ta cobra 12% y na Dunkin’ Donuts ta cobrando 8%. Den ambos caso e practica aki ta contra ley!
Mester menciona cu gerencia di Domino’s Pizza a activa mesora despues di a tuma nota di e eror aki. Parce cu na Merca a hinca e cobransa fout den e sistema. A pidi nan pa cambi’e mesora y lo debolbe tur cliente e suma cu nan a paga di mas na impuesto. Parce cu e problema tabata principalmente na Domino’s Pizza na Palm Beach y na Tanki Leendert.
Den caso di Dunkin’ Donuts no a tende nada di nan, relaciona cu e eror aki.
Ta conseha consumidornan pa ta extra alerta den e dianan aki, pa evita cu mas compania lo haci fout den nan sistema di cobransa. Pa ley, tur negoshi mester cobra 6% riba benta di tur productp y/of servicio. Si cobra mas cu esey, mester denuncia nan mesora pasobra ta un acto contra ley!
