Taxistanan ta rabia y a bisa caba cu nan lo cuminsa cobra. Ademas e bondnan di Taxi ta para hunto cla pa cobra. Durante entrevista a mustra e Minister riba e situacion y disgusto pasobra nan kiermen Minister ta keda draai e Taxistanan pa ahusta tarifa.
Segun Minister Chris Romero, el a sinta cu diferente grupo y bond. Awor e reunion mester tuma luga. E tabata bezig cu e proyecto di Fast Ferry. Esey no ta nifica cu no a sigui cu e cuestion di lista di prijs. Ta bay haci un encuesta, cual ta cla caba pa wordo haci bao di e Taxistanan mes.
Ora cu a yega, a haya tende di otro grupo cu nan no ta di acuerdo cu e lista di prijs di e grupo. E Minister a mira tres pa cuatro lista diferente. Cada un di nan mester tin un base pakico e aumento. Por bisa un di nan tin un aumento di 20%. Awo imagina un caminda cu ta cobra 30 dollar, cu 20 porciento ta 36 dollar, cual ta hopi. Otro grupo ta bisa cu nan no kier aumento asina, pero djis pone por ehempel 1 dollar acerca y no outprice nan mes.
E Minister a busca conseho na Economische Zaken pa wak kico nan ta opina y nan a saca un conclusion cu por duna un aumento di mas of menos 8 porciento. Eynan ta caminda cu e Minister a keda pa sinta cu e grupo aki y mustra kico nan tin, e investigacion, etc.
E unico cos cu e Minister ta pidi pa otro siman, mas tarda aki dos siman, e ta pone un reunion general tambe pa tur Taxista bin hunto, trece nan pensamento dilanti y tambe e Minister ta mustra nan kico nan sondeo a duna y asina ey ta tuma e decision kico e ta bay ta y kico e reglanan ta bay ta etc.
Kiermen berdad, ta tende diferente cos, pero nan no ta un grupo completo y ta haci dificil pa tuma cierto decisionnan, e Minister a indica.
