Como Minister, Glenbert Croes a bin atende e evento na MFA Savaneta, cu e ta apoya increiblemente, fuera cu tabata dia Internacional di Mucha, unda cu a reconoce riba e dia aki e derechonan universal di nos muchanan. E fundacion Telefon pa Hubentud y Tienda di Educacion, a uni hunto den un proyecto pa bin cu e proyecto di Best Dad Ever, unda cu tin cu bay stimula di un forma increiblemente extra activo, e participacion di tatanan den bida di e muchanan. Den cuadro di esey, e iniciativa aki di e proyecto aki di Telefon pa Hubentud y Tienda di Educacion, den combinacion cu Centro di Bario Savaneta, pa loke ta e pilot proyect, cu Centro di Bario Playa pabao a conecta na dje, ta un proyecto cu ta desea pa yega tur centro di bario, pa por realisa cu mamanan ta haci nan trabao, pero nan mester di tata den bida di nan yiu, den nan hogar y nan famia, pa tambe cumpli cu su parti. Traha pa trece placa cas, cumpli cu e parti financiero ta un parti, pero ta presente den bida di bo yiunan, den bida di bo famia y den cuadro di esey ta aplaudi, apoya e iniciativa aki di Telefon pa Hubentud, cu awe ta haci 18 aña tambe.
Minister Croes, a papia cu un dama cu tin su añanan cu Telefon pa Hubentud, cual ta un compromiso. Hendenan cu ta hacie voluntariamente cu amor pa Aruba, amor pa famia, amor pa nos yiunan, cual tin hopi di nos hendenan na Aruba kier yuda. Gobierno tin cu incentiva nan mas, stimula nan mas, apoya nan mas. Claro cu e parti financiero qua subsidio, pero apoyo moral. Unda cu placa no ta yega, un brasa amigo, un schouder amigo, un apoyo moral di un amigo, un Gobierno amigo pa keda stimula nan. Give the best di nan mes, haci lo maximo, duna lo miho di nan mes.
Laga nos tene man di nos yiunan y no laga nos mannan bay di nan, keda tene un presencia den nan bida pa nan keda cana e caminda corecto. Tin desafionan grandi. Tin famia cu ta pasa den hamber y pobresa y asina tin hopi mas problema. Pero tin cu bay resolve nan. Eynan, unda cu e nucleo familiar, laga e famia ta e institucion cu ta bay carga e famia, haya balor y stimacion pa bo bida cu bo kier hiba, como tata, como mama, como yiunan, apoyo di bisiñanan di bo bario, di otro familiarnan. Laga nos tene man di otro pa brinda tur famia na Aruba, tur hende na Aruba, un miho calidad di bida cu tur hende tin derecho riba dje, como hende y sin duda nos muchanan. Specialmente riba e dia nacional y internacional di derechonan di mucha.
