Temporada di awasero no ta debilita e base di e palonan di luz. Si por tuma nota, cu awa cay na Aruba, hopi palo di kwihi ta sak. Segun director di Elmar, Robert Henriquez, ora cu tin un palo di kwihi cerca di e red di coriente, no ta permiti pa corta e palo di kwihi aki pa remove for di e red. Ta gewoon snoeinan, pero e palo eynan ta keda. Na momento cu awa yobe, bo ta hayabo hopi biaha cu palo ta keda sak riba e red, cu consecuencia ta pone hopi mas presion riba dje.
Tur caminda e palonan ta suficientemente diseña cu no por wanta e presion aki. Esey ta pasa e ora cu e palonan ta kibra y tin biaha tambe te hasta ta haya cu nan ta coy candela door di e chispanan cu tin riba e contactnan cu tin biaha pa hopi tempo salpeter, cu awa no cay, ta crea cu ta huma. Un corto circuito tambe ta crea un calor masha inmenos mes cu ta sende e palo na candela.
Accidentenan
Segun Henriquez, accidente semper ta keda. Ta keda haya e cantidad di accidentenan ta sosode. Esey ta algo cu sigur no ta den man di Elmar. Ta algo cu ta sosode frecuentemente. Casi tur siman ta haya cu un of dos accidente. Ta wak’e tambe bek riba nan gastonan. E aña aki el a subi un tiki. Ta wak accidentenan un tiki mas cu normal cu aña pasa.
Pago
Ta purba di cobra tur cos bek, pero no tur ora nan ta logra. Dificil tin biaha ora cu un hende no tin seguro, no ta cover’e e ora tin cu verhaal’e riba e persona cu a causa e accidente mes.
Proyectonan
Semper Elmar tin su proyectonan cu nan ta sigui tur aña. Nan ta finalisa e proyecto di LED. A caba esaki cu exito. A cambia tur e luznan y a haci expansion te cu 12 mil luz. Awor aki por bisa cu ta hopi contento, sigur cu e ehecucion di e ponemento di luz. Tabata tin team cu a instala 12 mil luz rond di Aruba. Falta solamente esunnan oranje pa cambia. Ta bezig pa busca un bon reemplaso pa e luznan oranje pa nan tambe ta un tipo di LED. Tin riba ordo un lens rondo, cu nan ta cambia djis e optical LEDnan pa un luz oranje, e ora ta cla pa cambia na tur e oranjenan na e crusadanan. Despues di esaki tin poco proyecto planea pa 2018. Nan ta bezig cu un ordo di un kabel mayor tambe cu ta core di Balashi te cu Palm Beach. A haci’e den tres fase. E parti di Balashi te cu Sabana Blanco ta cla. Di Palm Beach te cu Ponton tambe ta cla. Falta e fase di Ponton pa Sabana Blanco te awor aki cu na 2018 lo bay haci. E kabel ta riba ordo y pa 2018 e ora eynan ta bay pone e ultimo fase di e trace eynan. E otro proyectonan importante pa Elmar, cu lo sigui cun’e, ta pega meternan inteligente, nan smartmeter di Prepaid. Eseynan ta proyectonan hopi importante cu semper ta keda inverti den dje. Tin un proyecto cu loke clientenan ta mira e infrastructura di IT tambe nan ta expande. Esey ta pa asina sostene e proyecto grandi cu WEB lo bin cun’e pa e loadsharing cu WEB ta bezig cun’e caba den su diseño y pa 2018 nan cuminsa na ehecuta.
