Minister Glenbert Croes, di asuntonan social y di labor, a splica cu lo para ontheffing te cu proximo aviso y esey ta loke a notifica departamento di labor DPL. Ontheffing lamentablemente a bira sinonimo na corupcion. Tambe e minister a instrui cu hopi di e ontheffingnan cu a wordo otorga door di e gobierno anterior, lo wordo evalua y unda cu Gobierno ta bisa cu e prome permiso di trabao no ta wordo atendi, pero toch boshi ontheffing ta wordo duna. Si bay per sistema nan ta haya nan permisonan pasobra nan a haya ontheffing. Tur ontheffing ta wordo para te cu proximo aviso, pa funcionnan, unda cu tin trahadonan local cu por haci e trabao, ningun declaracion positivo ta wordo duna, pasobra mester duna trahadonan local preferencia.
Tambe a bisa cu ta bay institui algo cu ta sinonimo na Citgodesk. E Citgodesk, a funciona pa un compania specifico, pero nunca a funciona pa e trahadonan local cu a registra pa bay traha den e refineria, ta wordo elimina y lo bay bin cu un Oil and Gas Industry Desk, cual no ta bay conta solamente pa e contratista of subcontratistanan pa Citgo, sino pa Repsol tambe. Nan tambe lo bay cuminsa cu su trabaonan di exploracion y e industria ey ta bay wordo desaroya cu alabes lo bay tin un Oil and Gas Industry Desk, unda cu ta bay registra tur trahado local, sino tambe tur contratista local, pa asina exigi di Citgo y Repsol pa bay traha cu trahadonan local, bay traha cu contratistanan local.
Unda cu no tin e specialistanan riba e areanan, sigur nan por bin cu cierto specialismonan di afo. Pero kier pa e politica cu ta wordo hiba riba e gobierno nobo, bin cu un local counterpart.
Den cuadro cu e protocolnan cu Citgo tin cu Gobierno, tin 26 posicion di ehecutivo cu ta wordo samina, no ta bay DPL, pero direct Dimas. Pero pone un profesional local cu kisas lo tin e experiencia cu nan tin. Ta duda cu nan no tin experiencia. Banda di e hendenan di afo, pa asina por tin transfer di conocemento pa nan tambe por haya experiencia pa un dia nos por tin full nos industria petrolero, di gas, maneha pa Gobierno. Ya caba den pasado, nos refinerianan, pa 97% tabata wordo maneha pa nos propio hendenan. E mester por wordo ripiti. Gobierno ta bay exigi esey di tur industria y esey ta e instruccion cu a duna tambe na DPL.
