Diamars mainta Minister di Turismo y Salud Publico, Dangui Oduber ta contesta preguntanan y presenta dato di CBS di e cantidad di persona cu a fayece na Aruba e ultimo añanan. Recientemente Minister Oduber a ricibi algun pregunta di miembronan di fraccion di AVP y Merwin Wyatt-Ras. Minister Oduber a contradeci tur e ponencianan infunda y incorecto haci pa e miembronan di fraccion di AVP.
Si nos tuma nota di estadisticonan di e cantidad di persona cu a fayece e ultimo añanan nos por conclui cu hustamente tin un bahada di e cantidad di persona cu a fayece. Minister Dangui ta lamenta cu Eman y Wyatt-Ras ta mal informa comunidad y crea panico innecesario siendo cu e cifranan mes ta contradeci nan ponencianan.
E estadisticonan di CBS ta demostra cu e Cantidad di persona cu a fayece e ultimo añanan ta como lo siguiente:
· Aña 2021: 964
· Aña 2022: 879
· Aña 2023: ta proyecta 800 (te cu di 3 kwartaal di 2023 – 611 persona a fayece).
Un otro ponencia cu Minister Dangui a contradeci ta cu segun fraccion di AVP, e gobierno aki lo ta cortando den cuido medico. Hustamente e aña aki, esta aña 2024, ta invertiendo 13.5 miyon florin extra den mehoracion di calidad di cuido y servicio. E 13.5 miyon florin cu a inverti den cuido medico tabata reparti como lo siguiente:
· 5.1 miyon florin extra pa hospital;
· 4.1 miyon extra pa ImSan;
· 1.8 miyon pa Stichting BOB haci bevolkingsonderzoeken pa deteccion trempan di cancer di pecho;
· 1 miyon pa respaldo pa asina tuma mas profesional;
· 1.5 miyon pa reenforsa e prome liña di cuido y tambe pa digitalisacion di cuido medico.
Minister Dangui Oduber a contesta tur e preguntanan cual e lo bay entrega na e miembronan di fraccion di AVP. Minister Dangui Oduber ta pone e preguntanan y e contestanan aki pa comunidad por lesa, pa asina na un forma habri y transparente informa comunidad di Aruba debidamente.
