Ta riba 8 di april ultimo cu Minister di Energia, Glenbert Croes a biaha pa New York p’un biahe di trabou hunto cu director di Refineria di Aruba (RdA). Na su yegada, el a topa cu e comision di bonbini, e ekipo di 24ora.com kende a acerc’e p’e duna cuenta di su biahe. Croes a sigura cu el a yega Aruba cu bon noticia pa henter e pueblo di Aruba.
E delegacion Rubiano encabesa pa Minister Croes a reuni cu Hartree Partners, na mesa a logra cera acuerdo pa Aruba ricibi e suministro di ‘heavy fuel oil’ na un prijs di descuento. Tur esaki ta den e afan pa baha prijs di awa y coriente. Esaki no ta e prome cargacion cu Aruba a ricibi na prijs di descuento.
Baha e prijs di awa y coriente ta importante. Un di e factornan mas importante pa haci esaki posibel ta pa ricibi bon prijs di ‘heavy fuel oil’ pa WEB. Cu esaki, lo yuda WEB pa baha su gastonan cu lo traduci den bahamento di prijs di awa y coriente.
Croes a indica cu e anuncio aki ta importante y cu mas nan cumpra na prijs di descuento, mas miho e lo ta pa e saco di pueblo. Ta aña pasa ultimo cu a termina e contracto cu e suministrado anterior y desde pronto, lo por mira e cambio den prijs di awa y coriente.
Ta mira bek riba un biahe exitoso, a pensa cinco dia na New York y cu bon anuncio. Pronto ta spera di cera un deal di termino mucho mas largo.
