Minister Plenipotenciario Guillfred Besaril tabata invitado special na presentacion di e documentario “Carousel” na Stichting De Nieuwe Kans (DNK). E mandatario a wordo ricibi pa Roy Lints, un Arubiano cu ta trahador social pa DNK.
E documentario documentario “Carousel” a bay den première durante e Festival IDFA na Amsterdam na november aña pasa. Director di e documentario Marina Meijer a filma un aña largo na DNK. E manera cu e documentario ta ilustra e hobennan y e trahadornan social di DNK ta traha manera un spiel di e ciudad di Rotterdam y e sociedad Hulandes.
E plan ta pa e aña aki e documentario lo wordo pasa na television Hulandes na e canal di VPRO.
Despues di e presentacion minister Besaril a papia cu algun hoben Arubiano cu ta bou guia di DNK y asina tende di cerca nan situacion.
DNK ta un fundacion cu ta brinda terapia durante di dia na hobennan mayor di 18 aña, cu activamente kier traha na mehoracion di nan situacion. Tin coachnan individual cu ta yuda e hobennan pa cambia y drecha nan bida. Finalmente ta e hoben mes lo mester haci esaki, pero nan mester compronde cu esaki ta nesesario. Hopi di nan ta hobennan cu problema: of nan no a caba scol, no tin trabao y asina nan no tin ningun afiliacion cu e comunidad den cual nan ta biba. DNK ta duna nan curso y training pa asina e hobennan por bay scol bek of haya un trabao. E fundacion tin contacto cu doñonan di trabao cu ta dispuesto pa yuda y duna e hobennan aki un chens pa traha.
