Aunke Ferdimar Maduro su amor ciego pa su casa Mary-Ley Croes cu na prome instante a bay lage pa un sicario y atracador a coste su libertad, tog awor cu e berdad a bin riba mesa, Ferdimar Maduro ta bek den libertad. Esaki ta e storia cu ya caba nos a publica algun dia pasa relaciona cu detencion di Ferdimar Maduro.
Nos redaccion a pone e detencion y a pone despues tambe con el a bira sospechoso. E casa a bay lage pa un sicario atracador Jesus Armando Piñeiro Lugo cu ta tras di trali. Ferdimar despues cu e Venezolano na Aruba cu peticion pa asilo a cay cera, el a bolbe cas cerca su casa. E casa tabata core cu e auto cu ta riba nomber di Ferdimar y parce e auto aki ta un auto cu e sicario atracador tabata move cune. Asina Ferdimar a bira sospechoso. Despues di detene e atracador, e investigacion a sigui y a bay na e cas y ta detene e casa di Ferdimar y djey ora Ferdimar a yega cas tambe a detene.
El a keda cera algun dia. Den fin di siman di carnaval despues cu a haya claridad riba su rol den e caso di atraco, a mira cu berdad e no ta envolvi den e atraco. Awor su pesadiya ta bay cuminsa pa keda cu su trabou cu tambe ta uno vulnerable. Djis di ta sospechoso den un acto cu e no a comete por coste su trabou. Pa colmo e ta shopsteward di FTA. Parce diamars e ta presenta na trabou y eynan ta interesante pa sa si e lo mantene su trabou of inocentemente ta perde su trabou of su profesion di 13 aña largo. E casa Mary-Ley Croes si a keda cera keto bay den e caso aki.
