E titular di Naturalesa a lamenta e declaracion haci recientemente door di sindicato SEPPA pasobra ciere di dump di Parkietenbos no tin nada di haber cu empleo y pasobra a invita nan y STA na un reunion recientemente, y ningun a presenta pa scucha kico tabatin di informa na empleadonan di Serlimar. Pa e mandatario, un cos ta sigur y esey ta cu dump di Parkietenbos ta cera dia 31 di december y e trabou di esunnan cu ta labora ey ta garantisa, pero lo mester cambia si.
Minister Arends: “Mi ta sinti cu ta un falta di respet di no a presenta y awo ta trece argumento den prensa. Mi ta habri pa dialogo cu SEPPA pa nan miembronan haya informacion corecto y esey ta bay pasa tambe.” Awe tin un reunion cu medidado di gobierno pa trece claridad. “Trahadornan ta bay tin un tarea pa keda haci riba dump di Parkietenbos. Aworaki no lo bay deposita desperdicio mas, pero tin tarea pa finalisa pa loke ta trata sanea e area,” asina e mandatario a bisa indicando cu a informa gerencia y hunta directiva di Serlimar. “Solamente mester defini kico e tarea lo ta.” E titular di naturalesa ta spera cu e sindicato ta bin cu mente habri den e cambio di tarea.
Pa e relato completo, lesa edicion di TREMPAN
