Manera cu por a mira riba social media, tabatin un cantidad inmensamente grandi di hende. Miles di hende a para den rij cu a core for di Cura Cabay t’e n’e portanan di Marinierskazerne na Savaneta, p’asina nan haya un chens pa por drenta y experencia e opendag riba Dia di Obrero, prome di mei, manera cu nan tin custumber.
Pero tabata un dia special, mirando cu despues di tres aña di ausencia, nan a bin bek y cu forsa haciendo e evento aki uno exitoso.
Rudolf Lacle, un bishitante y ex-militar, tambe tabatey presente durante di e opendag aki y a conta cu e por a mira demasiado hende compara cu antes. El a mira cu e armanan a cambia durante e añanan. Semper e kier keda na altura di loke ta sosode den militar.
Segun Randy Paskel di Wardacosta, e dia a bay hopi bon y ta hopi contento. Por a mira e famianan bek cu nan yiunan cu un cara contento. Esey a duna nan mas smaak pa sigui.
Apesar cu tabata un dia calor, nan a haci diferente demostracion cu boto, avion. Tambe nan tabatin e Panther caminda cu miles di hende a pasa bishita.
Nan tabatin un booth caminda cu nan por a recluta e hobennan cu kier a bin traha pa Wardacosta. Tabatin hopi interes di parti di e publico cu a bin n’e Opendag di Marinierskazerne.
