Despues cu mayoria urna electoral a drenta y cu ta mustra cu AVP a baha di 13 asiento pa 9 asiento, e lider mr. Mike Eman a anuncia mesora cu e ta retira y ta anuncia mesora cu AVP ta bay den oposicion. E ta convenci cu e mensahe di pueblo tabata cla y cu mester respeta esey. E ta haci un apelacion na e politiconan di mas aña den AVP, pa nan habri espacio pa e hobennan por tuma un asiento den Parlamento pa asina por renoba y prepara pa e siguiente eleccion. El a felicita MEP, POR y RED cu nan votonan y resultado. E hecho cu AVP ta keda e partido mas grandi no ta algo di impresiona, sino mas bien e realidad cu a baha di 33 mil voto y 13 asiento te na 9 asiento.
