Noticia di fayecimento di Mary Wever Lacle, un amiga di hopi aña di ex Minister Mary Wever Lacle, ta un sla duro pa lider di AVP Mike Eman.
Riba su Facebook el a pone e siguiente mensahe dedica na e persona cu pa hopi aña el a conoce.
“Nos a convivi di cerca e ultimo dianan aki cu su famia e lucha duro cu el a hiba pa keda cerca di su famia, su amistad y su isla stima Aruba, pero nos Creador finalmente a yama nos Mary Wever-Lacle stima cerca dje.
Nos ta conforma cu un curason kibra, pero cu recuerdonan hopi profundo di un dama excepcional cu un caracter firme y bondadoso, di un mama, un esposa hopi special. Pa nos partido AVP, pa Aruba, pa e Fundacion 18 Maart cu el a funda pa corda otronan cu a sirbi nos Pais cu mesun valentia cu ne. Mary nos ta bay haya bo falta, pero ta keda biba cu recuerdonan bunita pa semper. Alvin, Muhayla, Muzaninn, nos ta cu boso y henter famia pa yuda carga e perdida pisa aki. Un abraso fuerte, di profundo di nos curason consuelo y hopi forsa. [Mike y Doina].”
