Hedging ta algo cu ta existi desde tempo di MEP. Cualkier persona cu dos plac’i sinti ta compronde pakico ta haci hedging. P’esey partido AVP nunca a haci politica cu hedging, segun lider di fraccion di e partido, Mike Eman den un entrevista.
Nunca a ataca ningun gobierno of ningun compania di utilidad cu a haci hedging, pasobra cu dos plac’i sinti ta compronde cu ta un seguro ta cumpra. No ta tur ta mesun cos, segun Eman.
Na momento cu nan a drenta gobernacion di e pais aki, cuanto hende no ta bisa dicon no ta persigui hende, dicon no ta kita hende, dicon no ta pone nan mesun hende. AVP ta diferente, segun Eman.
E motibo ey ta importante n’e momentonan aki, pasobra pueblo no unicamente mester sa cu e situacion cu ta bibando n’e momentonan aki ta uno sumamente penoso. Pero e pueblo di Aruba mester tin e fe tambe cu tin un salida.
Tin un salida ora cu tin un vision. Y ora cu tabatin un gobernacion cu na momento cu tin duda pa locual ta trata e prijs y kier crea stabilidad, gobernacion di AVP e tempo ey, cu Mike de Meza como minister di energia, tabata percura pa hedging.
No ta hedging so tabata tene Aruba mas hopi posibel independiente di e fluctuacion di prijs internacional. Pero tambe e maneho di energia renobabel, segun Eman.
No mester lubida cu si a sigui cu e maneho y vision di gobierno di AVP, awendia Aruba lo ta na 70 pa 80% independiente di e prijs di fuel oil internacional, Eman a remarca.
Pa mas cobertura lesa TREMPAN.
