Patruya a yega den area di Surfside Beach pa un hoben cu tur su luznan a paga. A bati alarma pasobra e no tabata reacciona y a pensa lo peor. Na yegada polis a bin topa cu un hoben menor di edad cu a bebe te pasa limite. Esaki a tuma luga den careda di 11:00 am, na cura di airport na final di caminda na e parti di lama. A bin hay’e tira abou y no tabata mustra bon. Na prome instante no tabata reacciona pero un rato despues a cuminsa bin bij.
Segun testigonan, a indica cu e hoben lo a consumi alcohol cu stoma bashi y cu esaki lo a pone bira malo. A pidi presencia di ambulance pero mirando cu tabatin otro caso grave tumando luga, a desvia e ambulance p’e otro sitio. No obstante un unidad di rapid response di departamento di ambulance a presenta mesora na sitio.
Famia a presenta y a opta pa hiba e hoben nan mes pa hospital pero prome cu esey a tuma luga, e personal di rapid response a haya oportunidad pa tira un bista riba e hoben pa despues nan dirigi nan mes pa eerste hulp.
