Te den ora laat di diahuebs marduga, a pasa e ley di BBO. Miguel Mansur, lider di fraccion di Accion 21 a comenta cu finansa publico sostenibel ta un necesidad. Berdad gobierno mester hisa su entrada di un banda, pero e mester ta di un forma balansa.
Tambe tin cu wak y loke a trece dilanti, no a mira reduccion significativo den gasto di gobierno. Loke a mira ta mucho medida y no suficiente bahamento di gasto.
Tabatin dos punto di e ley cu tabata un preocupacion grandi y un di nan tabata e obligacion p’e companianan bay paga un salario.
Hunto cu esey nan ta purba pa tur hende paga nan fairshare. Mansur a trece dilanti loke lo bay resulta, cual ta lo bay tin menos compania, menos actividad economico y loke lo bay saca ta bay hopi menos di loke lo destrui.
Segun Mansur, e minister di finansa a referi na su mes como un troncon, cual tabatin hopi obhecion n’e ley. E punto di bista awo cu e ley a pasa, tanto pueblo di Aruba, comercio y actividad economico, lo bay dal den un troncon. Desafortunadamente no ta e troncon lo bay spart, sino e pueblo di Aruba, comercio y actividad economico lo bay spart.
